Shumica e njerëzve kanë ose do të vuajnë nga një dhëmb i humbur në një moment të jetës së tyre. Kur bëhet fjalë për zëvendësimin dhe riparimin e këtij problemi, duhet të konsideroni midis zëvendësimeve të një dhëmbi të vetëm ose të disa prej tyre. Këto procedura kanë të njëjtin qëllim, por proceset do të jenë të ndryshme. Hapi i parë është konsultimi me dentistin nëse jeni një kandidat i përshtatshëm për ndonjërën nga teknikat apo jo. Një gjë është e sigurt, pas trajtimit nuk do të pendoheni për vendimin tuaj. Në këtë blog, do të flasim për opsionet e zëvendësimit të një ose më shumë dhëmbëve, avantazhet e tyre dhe cili do të përshtatet më mirë për ju.
Siç e përmendëm më parë, nëse keni një dhëmb të humbur, do të keni disa mundësi për ta zëvendësuar dhe për të rregulluar problemin, megjithatë, mënyra e duhur do të varet nga nevojat dhe qëllimet tuaja. Pasi dentisti të ekzaminojë gojën tuaj në detaje, ai do të vendosë se cili do të jetë trajtimi më i mirë për ju.
Një nga trajtimet më të përdorura për të zëvendësuar një dhëmb të vetëm të humbur janë implantet dentare. Kjo mundësi ofron shumë avantazhe pasi duket dhe funksionon njësoj si dhëmbët tuaj natyralë. Një përfitim tjetër i rëndësishëm është se implanti nuk do të ndikojë në shëndetin e dhëmbëve afër. Përveç implanteve dentare, një mënyrë tjetër për të zëvendësuar një dhëmb të vetëm të humbur është një urë dentare, e cila kërkon që dhëmbët e vendosur afër të jenë në gjendje të mirë për ta suportuar urën.
Duke krahasuar këto dy procedura, implanti dentar ka më shumë përfitime sesa një urë dentare. Kjo është për shkak se, duke qenë se implanti do të zëvendësojë rrënjën, kocka do të ruhet më mirë, ndërsa më urën dentare disa nga kockat do të fillojnë të deteriorojnë. Nëse dëshironi të mbani kockën e nofullës të shëndetshme dhe të paprekur ndërsa zëvendësoni dhëmbin e humbur, ne do t’ju sugjeronim të zgjidhni një implant dentar
Gjithashtu, në afat të gjatë, implanti dentar për një dhëmb të vetëm do të jetë më i lehtë për t’u mirëmbajtur dhe kujdesur sesa një urë dentare. Kur baza metalike ose qafa e një ure bëhet e dukshme, mishrat përreth saj mund të tërhiqen. Kocka e resorbuar nën urë mund të rezultojë në një pamje të pakëndshme të dhëmbëve. Për më tepër, ngjitësja e urës mund të shkëputet, duke lejuar bakteret të gërryejnë dhëmbët që shërbejnë si bazat e saj.
Hapi i parë i procedurës së implantit dentar është vendosja e implantit që është i ngjashëm me formën e një vide ose cilindri. Përputhja e implantit dhe kockës do të marrë disa javë. Gjatë kësaj periudhe të gjatë pritjeje, dentisti do të vendosë një kurorë të përkohshme mbi implantin, kështu që nuk do të mbeteni pa dhëmb.
Hapi tjetër do të jetë shumë i rëndësishëm për procedurën e implantit dentar. Pas shërimit të mishrave, dhëmbi artificial i përkohshëm do të hiqet dhe zona do të lihet të shërohet për disa ditë. Kjo do të lejojë që mishrat të shërohen dhe të përgatiten për vendosjen e kurorës së përhershme.
Megjithatë, duhet të dini se për shkak të avancimeve të fundit në fushën e stomatologjisë, procedura e disa implanteve nuk do të kërkojë dy hapa por vetëm një. Në këto raste, dhëmbi artificial do të jetë tashmë i bashkangjitur me implantin. Megjithatë, vendimi midis teknikave do të vendoset me ndihmën e periodontistit.
Nëse dentisti vendos për procedurën tradicionale do të nevojitet dhe një hap i tretë. Gjatë kësaj faze, dentisti do të krijojë një dhëmb zëvendësues që është bërë saktësisht sipas matjeve tuaja. Pas përfundimit të procedurës, do të jeni më të kënaqur me pamjen tuaj dhe për pak kohë do të mund të hani, buzëqeshni dhe përtypni pa u ndierë në siklet. Ato do të funksionojnë dhe do të ndihen njësoj si dhëmbët tuaj natyralë, dhe me siguri do të harroni që i keni vënë.
Në krahasim me urat fikse dhe protezat e pjesshme të lëvizshme, implantet dentare për disa dhëmbë ofrojnë disa avantazhe. Implatet dentare zëvendësojnë dhëmbët e humbur pa kërkuar mbështetjen e dhëmbëve natyralë që ndodhen afër dhe gjithashtu duken dhe ndihen njësoj si ato të vërtetë. Procedura të tjera të njohura për zëvendësimin e disa dhëmbëve përfshijnë ura të përhershme ose proteza të pjesshme të lëvizshme, të cilat kanë nevojë për mbështejen e dhëmbëve përreth.
Kur krahasohen me protezat e pjesshme, implantet dentare për disa dhëmbë nuk kërkojnë shumë mirëmbajtje, gjë që është një avantazh tjetër. Ato do të funksionojnë njësoj si dhëmbët tuaj natyralë dhe nuk do të keni nevojë t’i hiqni dhe t’i pastroni sa herë që hani ose sa herë që flini. Megjithatë, mos harroni të lani dhëmbët dhe implantet dy herë në ditë dhe të përdorni fillin dentar sa herë që është e nevojshme, ashtu siç bëni me dhëmbët tuaj natyralë.
Përveç kësaj, fakti që implantet dentare do të zëvendësojnë gjithë strukturën e dhëmbëve tuaj, duke përfshirë rrënjët, do të bëjë të mundur ruajtjen e kockës së nofullës. Ky është një avantazh i madh i implanteve pasi do të ndihmojë në mbajtjen e strukturës së nofullës të shëndetshme dhe dhëmbët tuaj do të qëndrojnë në vendin e tyre. Nga ana tjetër, nëse zgjidhni një urë fikse ose një protezë të pjesshme të lëvizshme, kocka mund të fillojë të përkeqësohet, gjë që do të shkaktojë tërheqjen dhe kolapsin e nofullës. Një problem tjetër që do të ndodhë nëse nuk zgjidhni implantet dentare është se ngjitësja që mban urat mund të shkëputet, duke lejuar bakteret të depërtojnë në dhëmbët që suportojnë urën.
Thënë kështu, implantet dentare për disa dhëmbë do të ofrojnë një pamje dhe funksion më natyral. Ato janë gjithashtu rezistente ndaj prishjes dhe do të jenë më të rehatshme se një urë fikse ose proteza të pjesshme të lëvizshme. Megjithatë, vendimi midis teknikave të ndryshme të opsioneve të zëvendësimit të disa dhëmbëve duhet të bëhet me ndihmën e një dentisti profesionist. Ai do të konsiderojë faktorë të ndryshëm përfshirë koston dhe nevojat tuaja.
Implantet dentare përbëhen nga tre komponentë kryesorë: implantet që janë të ngjashme me formën e një vide ose cilindri që do të zëvendësojnë rrënjën e dhëmbëve tuaj, dhëmbi artificial që do të zëvendësojë funksionin dhe pamjen e dhëmbëve tuaj natyralë, dhe abutmentet që do të lidhin dhëmbët e rinj me implantet.
Zakonisht, trajtimi fillon duke prerë mishin me bisturi dhe duke i zhvendosur ato mbrapa për të zbuluar kockën e nofullës. Më pas, implanti do të vendoset pasi të jetë shpuar një vrimë në kockën e nofullës mjaftueshëm për ta përshtatur atë. Çdo implant duhet të kalojë nëpër këtë procedurë.
Gjatë fazës së shërimit, dentisti mund të vendosë dhëmbë zëvendësues të përkohshëm që do t’i mbani gjatë periudhës së shërimit, kështu që nuk do të mbeteni pa dhëmbë. Nëse jo, në majën e çdo implanti do të vendoset një kapak i përkohshëm shërimi për të izoluar zonën e trajtuar nga mjedisi përreth gojës. Pas kësaj, indet e mishrave do të vendosen përsëri mbi kockën e nofullës dhe rreth kapakut të shërimit të implantit. Ato do të mbahen në vend me disa qepje, të cilat do të hiqen pas shtatë deri në dhjetë ditë.
Implantet dhe kocka do të lejohen të bashkohen së bashku gjatë dy deri në gjashtë muajt e ardhshëm për të krijuar suportin për dhëmbët tuaj të rinj. Më pas, implantet do të duhet të ekspozohen, kapakët e përkohshëm të shërimit (ose dhëmbët e përkohshëm) të hiqen dhe abutmentet të bashkangjiten. Pas këtij operacioni, do t’ju duhet të lini mishrat tuaja disa javë për të shëruar.
Së fundmi, kurora që është krijuar për t’u dukur si dhëmbët tuaj do të lidhet me abutmentet. Shumë shpejt, do të ndiheni sikur mund të hani dhe të flisni normalisht përsëri dhe do të ndiheni më të sigurt në pamjen tuaj të re.
Ashtu siç thotë dhe emri, opsionet për zëvendësimin e një dhëmbi të vetëm synojnë të zëvendësojnë një dhëmb të vetëm të humbur me dhëmbë artificialë. Ka disa trajtime për ta bërë këtë të mundur duke përfshirë:
Një implant dentar është një post i vogël titani që futet në mandibul gjatë operacionit për të shërbyer si zëvendësues i rrënjës së dhëmbit. Implanti bëhet një dhëmb funksional dhe që duket real pasi kurora vendoset sipër. Për të zbuluar nëse ky është opsioni më i mirë për të zëvendësuar një dhëmb të vetëm, caktoni City Dental Clinic në Shqipëri.
Një pontik (dhëmb fals) është i pozicionuar midis dy kurorave që janë ngjitur në secilën anë të dhëmbit të humbur për të formuar një urë dentare. Kurorat vendosen mbi dhëmbët fqinj për të mbajtur pontikun në vend, duke rezultuar në një urë dhëmbësh artificialë. Kur dhëmbët fqinj janë të aftë për të mbështetur urën, ky opsion do të jetë më i rekomandueshëm.
Proteza e pjesshme përbëhet nga dhëmbë prostetikë të lëvizshëm të ngjitur në një bazë me ngjyrë të indeve të mishrave. Kllapat që kapen në dhëmbët natyralë fqinj e mbajnë atë në vend. Kjo teknikë rekomandohet në rastet kur disa dhëmbë janë humbur në pjesë të ndryshme të gojës.
Si thotë dhe emri zëvendësimi i shumë dhëmbëve në të njëjtën kohë do të thotë trajtimin e disa dhëmbëve të humbur në një procedurë të vetme. Zakonisht, ky trajtim sugjerohet kur keni disa dhëmbë të humbur në të gjithë gojën ose në vendndodhje të ndryshme. Disa trajtime të zakonshme për zëvendësimin e disa dhëmbëve të humbur mund të jenë:
Siç e thamë dhe më parë, implantet dentare janë një nga metodat më të zakonshme për të zëvendësuar disa dhëmbë të humbur. Faktorë si numri i dhëmbëve që duhet të zëvendësohen ose vendndodhja e tyre do t’ju ndihmojnë të vendosni nëse jeni një kandidat ideal për implantet dentare ose nëse duhet të konsideroni një procedurë tjetër. Megjithatë, ka shumë mundësi që nëse dhëmbët që duhen zëvendësuar ndodhen afër njëri-tjetrit, do të konsideroheni një kandidat i përshtatshëm për implantet dentare.
Protezat e plota, në krahasim me protezat e pjesshme, përdoren në rastet kur çdo dhëmb në një hark—nofullën e sipërme ose të poshtme—kanë humbur. Ato përbëhen nga dhëmbë falsë të ngjitur në një bazë me ngjyrë dhe rozë, që mbështeten mbi mishrat dhe mbahen në vend nga thithja natyrale ose ngjitës dentar.
Ky opsion është një ndërthurje mes protezave dhe implanteve dentare. Një hark i tërë me dhëmbë prostetikë mbështetet nga katër deri në gjashtë implante dentare që vendosen në çdo hark. Kjo metodë zakonisht këshillohet nëse një pacient ka humbur çdo dhëmb në një hark të vetëm.
Edhe pse ka disa opsione për të zëvendësuar dhëmbët e humbur, implantet dentare do të ofrojnë zgjedhjen më të qëndrueshme dhe afatgjatë duke rikthyer funksionin dhe pamjen, qoftë për të zëvendësuar një dhëmb të vetëm ose disa. Megjithatë, çdo trajtim ka një teknikën e vetë dhe një numër faktorësh të ndryshëm që duhen marrë parasysh.
Për të zgjedhur trajtimin më të mirë bazuar në nevojat tuaja specifike dhe gjendjen e dhëmbëve tuaj, duhet të flisni me një dentist të licencuar dhe profesionist. Vendosja e implantit, konsultimi dhe vlerësimi fillestar, kostoja, faza e shërimit dhe vendosja e kurorës janë hapat e zakonshëm të përfshira në operacionet e implantit dentar. Nëse kujdeseni si duhet për gojën dhe pas trajtimit dhe i mirëmbani siç duhet, do të keni një buzëqeshje më të sigurt dhe cilësia e jetës do të përmirësohet ndjeshëm.
