Pothuajse askujt nuk i pëlqen të shkojë te dentisti dhe kjo ndodh për disa arsye, duke përfshirë këtu çmimin e trajtimeve dhe ankthin që vjen me to. Megjithatë, kjo nuk duhet t’ju pengojë të gjeni dentistin e duhur që do t’i ofrojë këto trajtime duke marrë parasysh cdo faktor. Për më tepër, ne do të shpjegojmë pse duhet të konsideroni turizmin dentar, përfitimet e tij dhe si të zgjidhni klinikën e duhur dentare.
Një nga vendet më të mira për udhëtime dentare të përballueshme dhe të sigurta është Shqipëria. Megjithatë, nëse nuk jeni të sigurt se si të kurseni para për konsultimet dentare gjatë kohës që jeni atje, këtu janë disa sugjerime për t’ju ndihmuar si ti qëndroni planit tuaj ideal të shpenzimeve.
Turizmi dentar është një fushë e turizmit mjekësor që ka pësuar rritje të ndjeshme gjatë këtyre viteve të fundit. Në thelb fokusohet te individët që shkojnë në vende të tjera për të marrë kujdesin dentar me një kosto të reduktuar, ndonjëherë duke e integruar atë me pushime. Turizmi dentar po zgjerohet 15% në vit në Evropë si rezultat i afërsisë midis vendeve të ndryshme dhe rritjes së konkurrencës në treg. Në rast se jeni një nga ata njerëz që po mendoni të udhëtoni jashtë vendit për trajtimet tuaja dentare, ka disa gjëra që duhet ti merrni parasysh të cilat do t’i përmendim më poshtë.
Ndërsa mund të keni vënë re në vendin ku jetoni ju duhet të prisni shumë kohë ulur në zonën e pritjes për trajtimet tuaja. Në Shqipëri nuk ndodh kështu dhe ky është një nga faktorët kryesorë pse shumë klientë janë të kënaqur me kryerjen e trajtimeve të tyre në vendin tonë, përveç kostove të ulëta.
Tek City Dental Clinic në Shqipëri, stafi ynë do të punojë sipas orarit tuaj dhe jo anasjelltas. Nuk do të keni nevojë të prisni me muaj për procedurën që ju nevojitet, sepse ne do ta trajtojmë problemin tuaj sa më shpejtë të jetë e mundur. Ne e kuptojmë pse ky faktor është i rëndësishëm sepse nëse nuk trajtohen problemet dentare do të evoluojnë në çështje më serioze që do të jenë më të vështira për t’u trajtuar. Pra, nëse rezervoni një takim në klinikën tonë, nuk keni pse të shqetësoheni për asgjë, pasi kënaqësia dhe siguria e pacientëve tanë janë prioriteti ynë kryesor.
Duke udhëtuar jashtë shtetit për kujdesin tuaj dentar, ju po përqafoni modernitetin dhe po i lini pas teknikat dhe trajtimet e vjetra dentare. Thënia “ju merrni atë që paguani” së shpejti do të provohet se nuk vlen pasi në Shqipëri çmimet do të jenë minimale në krahasim me nivelin e trajtimit që po merrni.
Në fakt, me shumë mundësi do të merrni kujdesin më të mirë dentar të mundshëm nëse zgjidhni të udhëtoni jashtë shtetit për nevojat tuaja dentare. Disa nga klientët tanë janë shprehur se nuk kanë përjetuar një standard më të mirë të kujdesit në klinikën e dentistit se sa këtu në Shqipëri. Është e krahasueshme me pagesën me tre yje për shërbimet e një klinike dhe dentisti me pesë yje. Për të vlerësuar vërtet kalibrin e shërbimit që do të merrni, ju rekomandojmë të rezervoni një konsultë në City Dental Clinic këtu në Shqipëri, në mënyrë që të shihni vetë se për çfarë po flasim.
Mundësia për të vizituar dhe zbuluar vendin e bukur të Shqipërisë është një tjetër avantazh i madh i turizmit dentar. Popullariteti që kemi fituar ndër vite nuk është vetëm për shkak të çmimeve të ulëta dhe cilësisë së lartë, por edhe nga mundësitë turistike që ne ofrojmë. Ndërkohë që disa procedura mund të kërkojnë pak kohë për t’u rikuperuar, ju ken kohë për të eksploruar peizazhet e mrekullueshme dhe bregdetin që ofron Shqipëria.
Disa procedura mund të bëhen me materiale të ndryshme, për shembull, fasetat, implantet ose kurora. Ju duhet t’i diskutoni këto mundësi me dentistin tuaj dhe ai do t’ju shpjegojë duke përmendur çmimin dhe qëndrueshmërinë e tyre. Kjo do t’ju ndihmojë sepse ju mund të zgjidhni trajtimin që dëshironi sipas çmimit që ju përshtatet.
Kërkoni klinika dentare që ofrojnë shpjegime të plota të tarifave që lidhen me procedurat dentare dhe janë të hapura dhe të sinqerta të diskutojnë çmimet e tyre. Si rezultat ju mund të krahasoni çmimet dhe të bëni gjykime më të mira.
Ndërsa eksploroni destinacionet e turizmit dentar, duhet të shikoni çmimet e tyre dhe çfarë lloj shërbimesh ato ofrojnë. Ndërsa bëni llogaritjet, mos harroni të përfshini akomodimin dhe shpenzimet shtesë të udhëtimit. Në këtë mënyrë ju mund të bëni një krahasim se cila kosto dhe cila klinikë i përshtatet më mirë nevojave tuaja.
Siç e thamë dhe më parë, marrja e çmimeve nga klinika të shumta do të jetë shumë e dobishme, pasi ju mund të krahasoni mes tyre dhe mund të jeni të sigurt se po merrni një çmim të drejtë dhe konkurrues. Megjithatë, mos harroni t’i jepni përparësi cilësisë dhe reputacionit krahas konsideratave të kostos.
Përpara se të zgjidhni klinikën më të mirë për nevojat tuaja dentare, mund të bëni disa kërkime të vogla vetë. Në këtë mënyrë do të dini saktësisht se çfarë të prisni dhe për çfarë keni nevojë. Për më shumë informacion, mund të kontrolloni postimet e blogut në faqen tonë të internetit. Do të habiteni që ka disa dentistë që pëlqejnë të shtojnë disa trajtime të panevojshme në mënyrë që ju të paguani më shumë, kështu që të jeni në dijeni për atë që ju nevojitet dhe hapat e procedurës është gjithmonë dicka e mirë. Në këtë mënyrë ju do të dini nëse ata po përpiqen të shtojnë diçka më shumë ose të anashkalojnë ndonjë hap të procedurës.
Gjithsesi një gjë është e sigurt, tek City Dental Clinic në Shqipëri, nuk do të hasni asnjë problem të tillë, pasi ne kujdesemi mirë për pacientët tanë dhe siguria e tyre është prioriteti ynë kryesor. Është gjithmonë e rëndësishme të diskutoni trajtimin me dentistin përpara se të vendosni se cili është i duhuri. Trajtimet mund të personalizohen sipas nevojave tuaja, kështu që nuk ka asgjë për t’u shqetësuar. Të pasurit të informacionit të duhur do t’ju ndihmojë gjithashtu të merrni vendime më të mira që nuk do të rrezikojnë shëndetin tuaj.
Ndërsa është e vërtetë që investimi herë pas here në pastrime dhe ekzaminime është shumë i rëndësishëm, kostoja e sëmundjes periodontale është shumë më e madhe. Përveç vizitave dentare, higjiena perfekte në shtëpi është gjithashtu thelbësore për të parandaluar këto çështje si për ju ashtu edhe për ata që ju rrethojnë.
Për të eliminuar grumbullimin e gurëve dhe baktereve që mund të mblidhen lehtësisht midis dhëmbëve, mos harroni të lani dhëmbët dhe të përdorni fillin dentar për dy minuta dy herë në ditë. Duke vepruar kështu, do të jetë shumë më e lehtë për të hequr grimcat e vogla të ushqimit që mbeten midis dhëmbëve tanë pas ngrënies së frutave ose vakteve të pasura me fibra që mund të ngecin lehtësisht atje. Nëse nuk përdorni fill dentar, ju rekomandojmë të filloni ta bëni këtë sa më shpejt të jetë e mundur dhe do të vini re ndryshime të mëdha.
Duhet të dini gjithashtu se ngrënia e ushqimeve të shëndetshme dhe mbajtja e një diete të ekuilibruar do t’ju ndihmojnë në ruajtjen e shëndetit oral. Ne jemi mësuar të konsumojmë shumë ushqime të përpunuara, të cilat janë të pasura me sheqer dhe karbohidrate boshe dhe të dëmshme për trupin tonë në përgjithësi. Këto ushqime gjithashtu nxisin rritjen e mikrobeve midis mishrave të dhëmbëve, gjë që mund të çojë në kavitete ose gurë dhëmbësh që vështirë të hiqen.
Për më tepër, pavarësisht se hamë shumë ushqime, ne nuk mund të marrim mjaftueshëm vitamina dhe minerale vetëm nga dieta jonë. Për shembull, është shumë e zakonshme që shumë njerëz nuk konsumojnë shumë kalcium. Si rezultat, dhëmbët do të fillojjnë të prishen në mënyrë të konsiderueshme më shpejt, duke rritur rrezikun e çrregullimeve periodontale si gingiviti dhe gjasat që dhëmbët mund të thyhen lehtë.
Konsumimi i produkteve të qumështit, djathit, mollëve, karotave dhe selinosë, si dhe perimeve me gjethe jeshile, do t’ju ndihmojnë të dukeni më mirë dhe të keni dhëmbë shumë më të shëndetshëm. Plus konsumimi i vitaminave shtesë që mund t’i hani ose merrni si pilula janë shumë të dobishme. Në veçanti, do t’ju nevojitet vitamina C, e cila merret lehtësisht nga frutat si mandarina dhe portokalli.
Siç e kemi përmendur tashmë, sigurohuni që t’i përforconi të gjitha këto duke vizituar dentistin tuaj çdo tre muaj për të ekzaminuar dhëmbët tuaj. Megjithëse të gjithë duam të kursejmë para, parandalimi është gjëja më e rëndësishme që duhet të kini parasysh. Një profesionist mund t’ju ndihmojë me këtë proces dhe mund të ekzaminojë tërësisht dhëmbët tuaj për të parë nëse keni ndonjë problem që mund t’ju kushtojë më shumë para dhe t’i trajtojë ato para se të jetë tepër vonë.
Është shumë e rëndësishme që të bëni një kërkim të hollësishëm të destinacionit dhe cilësisë së klinikës. Për ta bërë më të përshtatshëm, gjeni një hotel pranë klinikës dhe afër qendrës. Një tjetër gjë e rëndësishme për të cilën duhet të jeni të jeni në dijeni janë klinikat dhe akreditimi i dentistit, certifikatat dhe rishikimet e lëna nga pacientët e mëparshëm. Të gjithë këta faktorë do t’ju ndihmojnë të vendosni se cila është klinika e duhur dentare për nevojat tuaja.
Për të bërë zgjedhjen e duhur duhet të eksploroni disa klinika dentare dhe t’i krahasoni ato me njëra tjetrën. Kostoja mund të varet nga vendi në vend, por një gjë është e sigurt, këtu në Shqipëri ne ofrojmë çmimet më të mira pa kompromentuar koston e trajtimeve tona.
Sigurohuni që dentistët që zgjidhni të kenë trajnimin, përvojën dhe specializimin e nevojshëm. Verifikoni nëse ata ofrojnë një shumëllojshmëri trajtimesh dentare që mund t’ju nevojiten, nëse kanë ekspertizë në trajtimin e pacientëve nga jashtë dhe nëse janë në gjendje të komunikojnë në anglisht ose italisht. Në këtë mënyrë siguroheni që të mos ketë keqkuptime dhe gjithçka të shkojë mirë.
Sigurohuni që ju dhe klinika dentare po komunikoni me njëri-tjetrin në një mënyrë të drejtpërdrejtë dhe efikase. Problemet gjuhësore mund të çojnë në keqkomunikim, prandaj pyesni nëse klinika ka anëtarë të stafit që flasin gjuhën tuaj ose ofron përkthyes.
Për t’u siguruar që klinika i përmbahet procedurave të duhura të sigurisë dhe sanitare, edukohuni për standardet dhe ligjet dentare të vendit qe po vizitoni. Kërkoni klinika që përdorin makineri moderne dhe metoda sterilizimi. Në këtë mënyrë ju siguroheni që rreziku i infeksionit ose problemeve të tjera serioze të minimizohet.
Merrni parasysh faktorë të tillë si disponueshmëria e fluturimeve, kërkesat për viza dhe çdo kufizim udhëtimi apo ndonjë faktor tjetër para se të shkoni në vendndodhjen që keni vendosur. Kontrolloni nëse ofrohen lidhje të përshtatshme ose fluturime direkte.
Përcaktoni kohëzgjatjen e procedurës dentare dhe periudhën e sugjeruar për rikuperim me ndihmën e dentistit. Merrni parasysh çdo vështirësi të mundshme ose kohëzgjatjen që mund t’ju duhet për të qëndruar në vendndodhjen pas operacionit për takimet pasuese.
Vlerësoni mundësitë e turizmit që ofron vendi që do të vizitoni. Kërkoni për atraksione turistike, ngjarje kulturore dhe aktivitete për argëtim në të cilat mund të merrni pjesë gjatë vizitës. Kjo mund të përmirësoj tërësisht përvojën tuaj të turizmit dentar.
Rekomandimet dhe vlerësimet e besueshme nga klientët e mëparshëm, miqtë ose faqet e internetit do t’ju ndihmojnë të bëni zgjedhjen e duhur kur bëhet fjalë për zgjedhjen e klinikës së duhur dentare apo edhe të vendit që po mendoni të vizitoni. Rekomandimet nga burime të besueshme ofrojnë këndvështrime të rëndësishme dhe ju mundësojnë të merrni një vendim sa më të informuar.
Filloni duke kërkuar për disa shtete ose vende të njohura për ofrimin e trajtimit dentar me cilësi të lartë me kosto të arsyeshme. Merrni parasysh elementë si kostoja e udhëtimit, vështirësitë e komunikimit dhe reputacioni i klinikave dentare në zonën që ju po interesoheni.
Kërkoni për klinika dentare me reputacion të cilat kanë histori të pacientëve të kënaqur dhe dentistëve të specializuar. Verifikoni nëse ata kanë të gjitha akreditimet dhe certifikatat e nevojshme.
Lini një takim për një konsultë duke kontaktuar klinikën dentare me anë të telefonit ose emailit. Gjatë konsultës ju mund të flisni për problemet tuaja dentare, alternativat e trajtimit, shpenzimet e pritshme dhe kohëzgjatjen e procedurave.
Kur klinika dentare dhe plani i trajtimit të jenë vendosur, është koha për tu përgatitur për udhëtimin. Merrni parasysh gjëra të tilla si biletat e udhëtimit, akomodimi, transporti dhe procedurat e vizave. Nëse trajtimi juaj kërkon shumë vizita ose takime pasuese, është mirë të buxhetoni disa ditë shtesë, në mënyrë që të mos keni nevojë të bëni udhëtime të tjera.
Kostoja e kujdesit dentar mund të ndryshojë në bazë të vendndodhjes dhe shkallës së kompleksitetit. Sigurohuni që e dini saktësisht se sa do të kushtojë gjithçka – duke përfshirë tarifat e trajtimit, barnat me recetë dhe çdo kosto shtesë. Është shumë e rëndësishme që ta diskutoni këtë me dentistin tuaj, në mënyrë që të mos ketë surpriza gjatë rrugës.
Sigurohuni që të keni të gjitha dokumentet e nevojshme, duke përfshirë pasaportën, vizën (nëse është e aplikueshme), të dhënat shëndetësore dhe çdo recetë ose raport nga dentisti juaj. Në rast urgjence ose nëse keni nevojë për trajtim pasues, është gjithashtu një ide e mirë të mbani me vete informacionin e kontaktit të dentistit tuaj më të afërt.
Kushtojini vëmendje çdo këshille para udhëtimit të ofruar nga institucioni dentar përpara nisjes. Kjo mund të përfshijë udhëzime të veçanta për ruajtjen e higjienës së mirë dentare, ndjekjen e një diete të caktuar ose marrjen e barnave të caktuara përpara procedurës.
