Shumë njerëz e kanë të vështirë të ndihen mirë me dhëmbët dhe buzëqeshjen e tyre. Nëse dhe ju keni probleme të tilla që ju bëjnë të ndiheni keq me pamjen tuaj, duhet të dini se klinika jonë ofron disa lloje trajtimesh të cilat mund t’ju ndihmojnë. Procedurat e stomatologjisë estetike mund të përmirësojnë dhëmbët dhe buzëqeshjen tuaj në disa mënyra të ndryshme, në varësi të problemit tuaj. Në këtë artikull ne do të diskutojmë disa nga avantazhet e këtyre procedurave, metodat që mund të përdoren për të trajtuar disa nga problemet më të zakonshme të lidhura me dhëmbët dhe si mund t’ju ndihmojnë ato të rifitoni vetëbesimin tuaj.
Stomatologjia estetike ofron shumë benefite për personat që vuajnë nga problemet me dhëmbët dhe mishrat e dhëmbëve. Këto procedura jo vetëm që do të përmirësojnë pamjen e tyre, por edhe problemet e lidhura me to. Shëndeti dhe vetëbesimi juaj gjithashtu do të përmirësohen ndjeshëm kur të filloni të ndiheni më mirë me buzëqeshjen tua. Do ta keni më të thjeshtë të përfshiheni në aktivitete sociale dhe të ndiheni më mirë me veten tuaj.
Siç thamë dhe më parë, stomatologjia estetike mund të përmirësojë ndjeshëm shëndetin oral duke ofruar procedura si fasetat dhe implantet dentare, të cilat mund të forcojnë dhe t’i bëjnë dhëmbët më pak të ndjeshëm ndaj prishjes dhe të parandalojnë dëmtimin e mëtejshëm. Parandalimi i këtyre problemeve mund t’ju ndihmojë të evitoni procedura detare më invazie në të ardhmen. Procedura të tjera kozmetike, si aparati ortodontik ose maskerinat transparente mund të ndihmojnë në lehtësimin e simptomave që shkaktohen nga shtrembërimi i dhëmbëve, duke lehtësuar dhimbjet e nofullës dhe dhimbjet e kokës.
Një avantazh tjetër që ofron stomatologjia estetike është koha e shpejtë e trajtimit që ofron në krahasim me ortodoncinë tradicionale apo trajtimet restauruese. Këto trajtime nuk do të zgjasin shumë dhe zakonisht vetëm një vizitë është e nevojshme, duke e bërë më të thjeshtë dhe më të lehtë për pacientët. Rezultatet gjithashtu do të jenë shumë më të shpejta. Me anë të këtyre trajtimeve estetike, ju mund të përmirësoni tiparet e fytyrës tuaj pa pasur nevojë të bëni procedura ose trajtime ndërhyrëse. Këto procedura gjithashtu nuk do të komprometojnë strukturën e dhëmbëve tuaj dhe buzëqeshja juaj do të duket e mrekullueshme me procedura kozmetike si fasetat e porcelanit ose zbardhja e dhëmbëve.
Nëse pini kafe, çaj, verë të kuqe ose ndonjë pije tjetër me ngjyrë, dhëmbët tuaj do të zbehen me kalimin e kohës, duke i bërë ata më pak të bardhë. Mund të përpiqeni të zbardhni dhëmbët me anë të produkteve pa recetë që mund të nlihen në dyqane të zakonshme por përdorimi i këtyre produkteve pa recetë nuk është aq efektiv sa trajtimet profesionale zbardhuese. Mënyra më e sigurt për të zbardhur dhëmbët dhe për të ruajtur shëndetin e tyre është të vizitoni dentistin në mënyrë që procedura të bëhet në mënyrë sa më profesionale.
Në rastet kur dhëmbët kanë pësuar çngjyrosje dhe zbardhimet dentare nuk janë efektive, duhet të filloni të konsideroni fasetat dentare. Ky proces përfshin mbulimin e dhëmbëve tuaj me një shtresë të hollë porcelani për t’u dhënë atyre një pamje të bardhë natyrale pa asnjë difekt.
Nëse keni pasur probleme dentare, e dini se ato mund të ndiojnë në mënyrën se si përtypni ushqimin. Megjithatë, nëse ndyshoni anën e kafshimit nuk po e ndihmoni shumë veten tuaj. Duke favorizuar njërën anë të gojës mbi tjetrën, ju rrezikoni t’i prishni më shpejt dhëmbët e asaj ane. Pas procedurave si fasetat estetike do të mund të kafshoni dhe përtypni ushqimin më lehtë. Ato janë një zgjidhje e qëndrueshme dhe gjthashtu procesi i vendosjes së tyre është shumë i thjeshtë. Në vetëm disa vizita, ju mund të keni një buzëqeshje krejt të re dhe do të minimizoni mundësinë e prishjes së dhëmbëve.
Nëse keni dhëmb të shtrembër, telat janë zgjidhja perfekte për ju. Sidoqoftë, telat mund të sjellin pak siklet pasi shumë njerëz nuk ndihen rehat të kenë kllapa metalike të ndritshme në dhëmbët e tyre. Për më tepër, vizitat e shpeshta tek ortodonti për të rregulluar madhësinë e tyre mund të jenë një procedurë jo shumë e rehatshme.
Për fat të mirë, tani ka akoma më shumë opsione të disponueshme për të korrigjuar dhëmbët e shtrembër, përveç telave metalik. City Dental Clinic në Shqipëri ofron maskerinat transparente, të cilat janë shumë më pak të dukshme se telat konvencionale dhe nuk kanë nevojë për seanca të pakëndshme shtrëngimi. Zgjedhja do të varet nga dëshirat tuaja; ju mund të zgjidhni midis këtyre dy trajtimeve dhe asaj që i përshtatet nevojave tuaja estetike.
Shumë njerëz mendojnë se stomatologjia estetike do të rregullojë vetëm pamjen e jashtme të dhëmbëve, por kjo nuk është e vërtetë. Këto trajtime do të ofrojnë gjithashtu zgjidhjen e duhur për të gjitha llojet e problemeve që lidhen me shtrirjen e nofullës dhe pamundësinë për të folur siç duhet. Trajtimet kozmetike dentare jo vetëm që do t’ju ofrojnë një buzëqeshje të bukur, por gjithashtu do t’ju ndihmojnë të mbani dhëmbë më të shëndetshëm dhe të korrigjoni pabarazinë dhe linjat e mishrave të dhëmbëve.
Qëllimi kryesor i stomatologjisë estetike është pamja e jashtme e dhëmbëve. Disa prej këtyre procedurave synojnë të arrijnë rezultatin e dëshiruar gjithashtu duke forcuar dhe dhëmbët e tu. Për shembull, kurorat përdoren shpesh për të fshehur pamjen e prishur të dhëmbëve të thyer ose të copëtuar. Me vendosjen ë tyre dhëmbi do të duket më mirë, do të jetë më i fortë dhe mundësia për tu thyer do të jetë më e vogël. Për më tepër, kurorat do të mbulojnë dëmtimet fizike të shkaktuara në smaltin tuaj dhe parandalojnë bakteret që të dëmtojnë dhëmbët, duke reduktuar mundësinë e infeksioneve nervore.
Metoda më e re e zëvendësimit të dhëmbëve të prishur është përmes implanteve dentare. Edhe pse protezat kanë qenë prej kohësh metoda më e zakonshme për të zëvendësuar dhëmbët, të folurit dhe të ngrënit mund të jenë të vështira pasi ato mund të rrëshqasin nga goja. Pamundësia e protezave për të zëvendësuar zonën poshtë mishrave të dhëmbëve është një problem tjetër i kësaj procedure. Kocka e nofullës nën vijën e mishrave të dhëmbëve mbështetet nga rrënjët dhenë rastet kur ka munges të tyre ajo mund të përkeqësohet. Avantazhi i implanteve dentare është se shërbejnë për të zëvendësuar rrënjën që mungon. Gjatë kësaj procedure kurora e plotë vendoset mbi implant, i cili është një shtyllë e vogël metalike që futet në kockën e nofullës dhe kalon nëpër mishrat e dhëmbëve për të zëvendësuar rrënjën e dhëmbit të humbur. Ndryshe nga protezat, implantet dentare nuk shkaktojnë siklet që mund të pengoj të folurën dhe gjithashtu ndalojnë dobësimin e kockave të nofullës.
Këto procedura estetike dentare që i përmendëm më sipër, si protezat, implantet dhe kurorat mund t’ju ndihmojnë të menaxhoni dhimbjen që mund të shkaktojë mungesa e dhëmbëve, dhëmbët e thyer, të prishur ose të shtrembër. Nëse këto probleme rregullohen në kohën e duhur, dëmet e mëtejshme në të ardhmen do të shmangen ose mund të minimizohen. Për shembull, rreziku i sëmundjes periodontale do të minimizohet nëse rregulloni dhëmbët e plasaritur me anë të vendosjes së kurorave ose implanteve. Në përgjithësi, duhet të dini se implantet dentare jo vetëm që do të trajtojnë problemet estetike, por gjithashtu do të parandalojnë dëmtimin e mëtejshëm që mund të shkaktohet në dhëmbët tuaj nëse nuk i trajtoni problemet në kohën dhe mënyrën e duhur.
Siç thamë dhe më parë, fusha e stomatologjisë estetike do t’i japë përparësi jo vetëm anës estetike, por edhe shëndetit të përgjithshëm oral, duke rregulluar disa lloje problemesh të ndryshme. Trajtimi i këtyre problemeve mund tju ndihojë shumë në vetëbesimin tuaj. Nëse keni probleme si dhëmbët e thyer, boshllëqe midis dhëmbëve etj, duhet të dini se ka një shumëllojshmëri trajtimesh për ju. Për më tepër,do të flasim më në detaje se çfarë lloj procedurash dentare do të jenë të përshtatshme për ju dhe problemet tuaja. Specialistët tanë do të diskutojnë çdo detaj dhe trajtim të mundshëm që do t’ju përshtatet më së miri nevojave tuaja, ndaj mos ngurroni të kontaktoni klinikën tonë dhe të konsultoheni me një nga dentistët tanë.
Një nga procedurat që kërkohet më shumë nga të gjithë është zbardhja e dhëmbëve. Ky trajtim konsiderohet shumë efektiv, jo invaziv dhe i përballueshëm, i cili ofron rezultate të mahnitshme dhe gjithashtu do të zgjasë për një kohë shumë të gjatë. Edhe përse ka shumë produkte zbardhuese si pasta e dhëmbëve apo shiritat, është më mirë të konsultoheni me dentistin tuaj. Dentistët e specializuar në trajtimet estetike do të mund të arrijnë efektet e dëshiruara duke përdorur mjete dentare dhe materiale të sigurta. Trajtimet për zbardhjen e dhëmbëve të kryera në kushte shtëpie shpesh mund të rrezikojnë shëndetin tuaj oral. Për të garantuar rezultate më të shpejta dhe procedura të sigurta, dentisti juaj do të kujdeset që dhëmbët dhe mishrat e tyre të mbesin të shëndetshëm. Pas zbardhimit dhëmbët tuaj do të duken më të bardhë dhe më të shëndetshëm. Në mënyrë që rezultati të zgjasë sa më shumë, duhet të vazhdoni të praktikoni rutinën tuaj dentare.
Fasetat e porcelanit mund të jenë alternativa më e mirë për ndryshimin e buzëqeshjes në rastet kur zbardhja e dhëmbëve nuk do të japrezultatin e duhur. Gjatë kësaj procedure, dentisti do të vendos fasetat prej porcelani mbi dhëmbin e dëmtuar, për të riparuar smaltin e konsumuar, thyerjet, dhe shtrirjen e pabarabartë.
Fasetat dentare do të jenë unike për cdo pacient dhe ato mund të zgjasin për shumë vite nëse kujdeseni siç duhet. Fasetat moderne nuk kërkojnë alterim pasi janë më të hollë falëteknologjive të reja. Gjithashtu nëse nuk ju pëlqen ngjyra e dhëmbëve tuaj ose ata janë të dëmtuar, fasetat dentare do ti bëjnë të duken më të shëndetshëm dhe natyralë.
Lidhja e dhëmbëve është një procedurë stomatologjike kozmetike e cila është më e lirë se fasetat. Kjo procedurë jep efekte të menjëhershme duke vendosur një masë plastike të përbërë me të njëjtën ngjyrë me dhëmbin duke përdorur dritë UV ose lazer. Kjo procedurë stomatologjike trajton probleme dentare të ndryshme duke përfshirë dhëmbët e copëtuar ose të thyer ose hapësirat midis dhëmbëve, njësoj si fasetat. Duke mbushur hapsirën me masën e krijuar, lidhja dentare gjithashtu ndihmon në restaurimin e dhëmbëve të dëmtuara.
Lidhja e dhëmbëve do të bëhet në një vizitë të vetme, ndryshe nga procedura e fasetave të krijuara posaçërisht. Një disavantazh është se kjo procedurë kërkon zëvendësime më të shpeshta se fasetat, por është një nga procedurat dentare kozmetike më të thjeshta dhe më pak të kushtueshme.
Makerinat transparente jane zëvendësuesi më i përshtatshëm i telave. Kjo procedurë është një mënyrë shumë më pak ndërhyrëse për të rregulluar dhëmbët. Maskerinat u ofrojnë pacientëve grupe rreshtuesish transparentë të personalizuar përmes përdorimit të softuerit të imazhit 3D. Grupi i maskerinave duhet të vishet për të paktën dy javë, përpara se të kaloni në grupin tjetër të tyre. Pacientët mund ti heqin maskerinat transparente sa herë të hanë, pinë ose pastrojnë dhëmbët e tyre, ndryshe nga aparatët ortodontik. Maskerinat duhet të mbahen për të paktën 22 orë në ditë për të marrë rezultatet e duhura.
Implantet dentare janë alternativa më funksionale dhe estetikisht e këndshme në krahasim me trajtimet tradicionale të zëvendësimit të dhëmbëvekur bëhet fjalë për dhëmbët e rënë. Ato mund të shërbejë si baza e pllakës dentare. Implanti është një shtyllë e vogël titani, e cila do të vendoset në vendin e kockës së zbrazët të dhëmbit të rënë. Oseointegrimi i cili është termi shkencor për rritjen e kockave në një implant metalik, fillon me vendosjen e implantit dhe kërkon shumë muaj për t’u integruar. Pas osseointegrimit dentisti do të vendosë kurorën në abutment. Pasi implanti dentar implanti të ngjitet në mënyrë efektive me kockën, ai do të ketë ndjesinë e dhëmbëve normal. Forca e kafshimit të protezave konvencionale është më e dobët, gjë që rrit mundësinë e humbjes së kockës së nofullës. Implantet nuk duhet të hiqen dhe të riinstalohen disa herë.
Për të bërë mbushje kompozite dentisti do të përdor masën e përbërë, e cila do të krijohët në mënyrë që të përputhet me ngjyrën e dhëmbëve tuaj natyralë. Kjo bën të mundur që mbushja të duket si dhëmbët e vërtetë. Gjatë kësaj procedure indi i prishur duhet të hiqet dhe struktura e mbetur e dhëmbit duhet të riformohet. Për të mbuluar plotësisht hapsirën, dentisti do të vendosë me kujdes shtresat e mbushjes së përbërë. Në mënyrë që shtresa e fundit të përzihet me dhëmbin, dentisti do ta formësojë dhe do ta lëmojë atë sic duhet. Nëse kujdeseni siç duhet, mbushjet e përbëra mund të zgjasin pesë deri në shtatë vjet.
Zgjedhja e dentistit të duhur për kryerjen e këtyre trajtimeve mund të marr pak kohë dhe ka disa gjëra të cilat duhet ti konsideroni. Zgjedhja e një specialisti i cili është i aftë të bëjë të gjitha këto operacione estetike për ju është hapi i parë. Gjithashtu pyesni për shkallën e suksesit të procedurave që kërkoni. Gjëja e dytë që duhet të bëni është të zgjidhni një mjek që ju ofron rehati dhe siguri, pasi disa trajtime kozmetike, si kurorat ose fasetat, janë shumë invazive. Diskutoni me dentistin tuaj dhe pyetini ata për çdo shqetësim që mund të keni.
Gjithashtu është e rëndësishme të studioni teknologjinë dhe metodat eqë përdor klinika e dentistit. Një dentist i mirë duhet të jetë i përditësuar me përparimet e industrisë dhe të jetë i aftë të përdorë teknologjinë më të fundit. Edhe pse shumica e klinikave dentare ofrojnë çmime të ndryshme për trajtime të ndryshme dentare për t’i bërë ato të aksesueshme për të gjithë, është mirë të pyesni paraprakisht, për të qenë në dijeni.
Leximi i vlerësimeve të lëna nga klientët e mëparshëm mund të jetë një ndihmë e madhe që mund të merrni parasysh përpara se të zgjidhni dentistin tuaj. Gjetja e dentistit të duhur kërkon kohë, por në fund do t’ia vlejë pasi vizitat me dikë të kualifikuar për të trajtuar problemet e dhëmbëve tuaj mund tju ndihmojnë shumë.
Stomatologjia estetike mund të përmirësojë ndjeshëm buzëqeshjen tuaj dhe rrjedhimisht vetëbesimin, jetën tuaj shoqërore dhe mirëqenien e përgjithshme. Ekzistojnë një sërë trajtimesh që mund t’ju ndihmojnë të keni buzëqeshjen ideale, pavarësisht nëse qëllimi juaj është të drejtoni dhëmbët ose të rregulloni dhëmbët e prishur, t’i bëni ato të duken më të mirë ose të zëvendësoni plotësisht dhëmbët që mungojnë. Stomatologjia estetike ofron një gamë të gjerë alternativash për të gjithë pacientët, nga procedurat e zbardhjes së dhëmbëve deri te instalimi i implanteve dentare dhe fasetave. Është e rëndësishme të konsideroni të gjitha opsionet para se të zgjidhni dentistin ose procedurën e duhur, duke përfshirë koston dhe nivelin e aftësisë.
Në përfundim, rezultatet do të varen shumë nga dentisti juaj. Nëse jeni gati të ndryshoni buzëqeshjen tuaj dhe të shijoni avantazhet e saj për vitet në vijim ne ju sugjerojmë që të rezervoni një takim me një nga dentistët tanë të specializuar tek City Dental Clinic në Shqipëri.
