Problemet e dhëmbëve janë shumë të zakonshme por kur situata bëhet emergjente, menaxhimi i tyre mund të bëhet pak i vështirë. Është shumë e rëndësishme të dini si të përballeni me këto situata, pasi kjo mund të bëjë një ndryshim të madh në shëndetin e dhëmbëve tuaj dhe atë oral. Emergjencat dentare gjithashtu përfshijnë edhe probleme si restaurime të thyera si kurorat, urat, etj. Më tej, ne do të japim përgjigjen e disa nga pyetjeve më të shpeshta rreth emergjencave dentare, të cilat do t’ju ndihmojnë të kuptoni më mirë çfarë duhet të keni parasysh në këto raste.
Dhimbjet dhe shqetësimet e dhëmbëve mund të shkaktohen nga një sërë faktorësh, duke filluar nga ndjeshmëria e lehtë ndaj ushqimeve të nxehta ose të ftohta deri tek infeksionet serioze që mund të shkatërrojnë strukturën e dhëmbit. Është e rëndësishme të kuptoni se jo të gjitha këto simptoma kërkojnë një vizitë të menjëhershme tek klinika e dentistit. Megjithatë, nëse ato shoqërohen me ënjtje ose temperaturë, është më mirë të vizitoni dentistin tuaj sa më shpejt të jetë e mundur.
Ka disa faktor të ndryshëm që mund të shkaktojnë dhimbje dhëmbi, dhe kavitetet janë një nga më të zakonshmet. Ato janë vrima të vogla në dhëmbët tuaj, të shkaktuara nga higjiena e dobët dentare dhe një dietë e pashëndetshme. Nëse lihen pa trajtuar mund të avancojnë në pllakë dentare, e cila është një shtresë ngjitëse që mbulon smaltin e dhëmbëve që prodhon acide që fillojnë të prishin sipërfaqen e dhëmbit. Nëse ky problem neglizhohet dhe kaviteti zgjerohet, mund të çojë në ekspozimin e nervit, duke shkaktuar dhimbje dhe ndjeshmëri ndaj ushqimeve, pijeve dhe ajrit të ftohtë ose të nxehtë.
Një tjetër shkak i dhimbjes së dhëmbit mund të jenë aksidentet që dëmtojnë strukturën e tij. Në disa raste, nëse dëmtimi është i pariparueshëm, dhëmbi mund të duhet të nxirret dhe të zëvendësohet me një implant. Në rastin më të keq, infeksioni i dhëmbit mund të rezultojë në absces i cili prek rrënjën e tij. Abscesi është formim i qelbit dhe konsiderohet një infeksion i rëndë i gojës që kërkon kujdes të menjëhershëm pasi mund të shkojë përtej kësaj zone dhe të prek dhe pjesë të tjera të trupit.
Edhe pse jo të gjitha rastet e dhimbjes së dhëmbit të pjekurisë kërkojnë trajtim të menjëhershëm, nëse keni dhimbje të konsiderueshme, ënjtje, probleme me gëlltitjen ose temperaturë, duhet të shkoni menjëherë te dentisti, për të shmangur ndonjë problem të mëtejshëm.
Sëmundja periodontale, e njohur edhe si sëmundja e mishrave të dhëmbëve, nuk konsiderohet gjithmonë emergjencë dentare. Megjithatë, nëse dhimbja bëhet e padurueshme, vëreni gjakderdhje ose ndjeni sikur dhëmbët tuaj kanë filluar të lëvizin, caktoni një takim me dentistin tuaj sa më shpejtë të jetë e mundur për të parandaluar zhvillimin e mëtejshëm të problemit dhe për të marrë trajtimin e duhur.
Edhe pse është shqetësuese, largimi i mishrave të dhëmbëve mund të mos kërkojë kujdes urgjent nëse nuk shoqërohet me shqetësime të rënda ose infeksion. Gjithësesi, në këto raste, është e rëndësishme të konsultoheni me dentistin tuaj sa më shpejt të jetë e mundur, pasi trajtimi i mishrave të dhëmbëve mund të ndalojë recesionin e mëtejshëm të tyre dhe madje edhe të parandalojë rënien e dhëmbëve në të ardhmen.
Gjakderdhja e lehtë e mishrave të dhëmbëve gjatë larjes ose përdorimit të fillit dentar mund të mos jetë shqetësuese, por kur ajo bëhet më e rëndë ose kronike mund të tregojë praninë e sëmundjes të mishrave të dhëmbëve ose probleme të tjera më të thella. Nëse keni shqetësime ose ënjtje përveç gjakderdhjes së mishrave është mirë të kryeni një ekzaminim dentar sa më shpejtë të jetë e mundur.
Kavitetet janë një problem shumë i zakonshëm që do të ndikojnë shumicën e njerëzve në një pikë të jetës së tyre. Ato nuk konsiderohen si një urgjencë dentare nëse nuk shoqërohen me dhimbje ose ënjtje, gjë që shpesh tregon praninë e abscesit. Megjithëse mund të mos keni nevojë për një vizitë urgjente në klinikën dentare, duhet patjetër të vizitoni dentistin tuaj për të shmangur probleme të mëtejshme si prishja e dhëmbëve dhe komplikimet e mundshme që kavitetet mund të shkaktojnë në të ardhmen.
Nëse ju thyhet mbushja por nuk keni shqetësim të rëndë ose shtresat e brendshme të dhëmbiit nuk ekspozohen, trajtimi urgjent mund të mos jetë i nevojshëm. Megjithatë, për të shmangur dëmtimin e mëtejshëm të strukturës së dhëmbit, mbushjet e thyera duhet të riparohen sa më shpejt të jetë e mundur.
Përveç se shkaktojnë dhimbje, dhëmbët e thyer rrisin rrezikun e infeksionit duke ekspozuar shtresat e brendshme të dhëmbit ndaj mikroorganizmave. Ndërsa jo çdo rast i një dhëmbi të thyer kërkon kujdes urgjent, për të shmangur komplikimet, dhimbjen, ndjeshmërinë ose ekspozimin e nervave është mirë të caktoni një vizitë me dentistin tuaj kur të keni mundësi.
Lirimi ose rënia e urës dentare mund të mos konsiderohet urgjencë, përveçse në rastet kur ndërhyn në aftësinë tuaj për të ngrënë ose për të folur, ose nëse shkakton shqetësim të rëndë. Megjithatë, për t’u siguruar që ura përshtatet dhe funksionon siç duhet, dentisti juaj duhet ta ekzaminojë atë sa më shpejt të jetë e mundur.
Nëse ju bie kurora dentare ose nëse e ndjeni që ajo po lirohet por nuk keni dhimbje apo ekspozim të struktrës së dhëmbit mund të mos keni nevojë për kujdes urgjent. Për të shpëtuar dhëmbin e dëmtuar dhe për të ruajtur shëndetin oral, kurora duhet të zëvendësohet ose vendoset përsëri sa më shpejt që të jetë e mundur.
Ashtu si thyerja e mbushjes dentare dhe rënia e saj nuk do të konsiderohet urgjencë nëse nuk shkakton dhimbje ose shqetësim në gojë. Por për të parandaluar prishjen dhe dëmtimin e mëtejshëm të strukturës së dhëmbit duhet ta zëvendësoni atë sa më shpejt të jetë e mundur.
Lirimi ose lëvizja e implantit dentar konsiderohet si urgjencë dentare pasi mund të dëmtojë strukturën e implantit dhe indet përreth. Vizitoni menjëherë dentistin tuaj nëse vëreni ndonjë lëvizje jo normale, në mënyrë që të shmangni problemet e mëtejshme dhe të ruani strukturën e gojës tuaj.
Edhe pse mund të mos konsiderohet urgjencë dentare, fasetat e rëna duhet të zëvendësohen sa më shpejtë të jetë e mundur për të ruajtur funksionalitetin dhe pamjen e dhëmbit të dëmtuar. Nëse po hasni këtë problem dhe po kërkoni kujdesin e duhur, kontaktoni stomatologët e City Dental Clinic Tirana dhe ata do të gjejnë zgjidhjen e duhur për ju.
Siç e thamë dhe më parë, abscesi dentar konsiderohet një urgjencë dentare, veçanërisht nëse keni shenja të ënjtjes, formimit të qelbit dhe dhimbjeve të forta. Nëse nuk ndërmerrni masat e duhura, rrezikoni jo vetëm shëndetin tuaj oral, por edhe komplikime serioze shëndetësore. Është shumë e rëndësishme të kërkoni trajtim të menjëhershëm për të parandaluar përkeqësimin e situatës dhe për të mbrojtur shëndetin e të gjithë trupit tuaj.
Ashtu si absceset e mishrave të dhëmbëve, absceset e dhëmbëve duhet të trajtohen menjëherë nga dentisti, pasi ato mund të infektohen dhe të shkaktojnë dëme serioze për pacientin. Për të shmangur problemet dhe për të lehtësuar dhimbjen, kërkoni kujdes urgjent dentar nëse mendoni se keni absces dentar. Kjo do të ndihmojë në parandalimin e komplikimeve të mëtejshme dhe në ruajtjen e shëndetit tuaj të përgjithshëm.
Nëse kurora e plasaritur nuk dëmton ose ekspozon strukturën e poshtme të dhëmbit, mund të mos ketë nevojë për riparim të menjëhershëm. Megjithatë, për të ruajtur shëndetin dhe pamjen e dhëmbëve, është e rëndësishme që kurora të zëvendësohet ose riparohet sa më shpejt që të jetë e mundur. Kjo do të ndihmojë në parandalimin e problemeve të mëtejshme dhe në mbajtjen e një buzëqeshjeje të shëndetshme dhe rrëzëllitëse.
Qëllimi kryesor i shërbimit urgjent dentar është të ndalojë dhimbjen dhe të ofrojë kujdes të menjëhershëm. Pas këtij trajtimi fillestar, do të duhet të vizitoni dentistin tuaj të zakonshëm për të përcaktuar trajtimet afatgjata që nevojiten. Dhomat e urgjencës janë të pajisura për të ndihmuar vetëm në rastet e absceseve ose për të ofruar qetësues dhimbjesh. Për të gjitha problemet e tjera dentare, është më e përshtatshme të konsultoheni me dentistin tuaj për një trajtim të specializuar dhe të plotë.
Jo, absceset e dhëmbëve nuk mund të shërohen vetë. Infeksioni duhet të trajtohet nga një dentist i specializuar, prandaj është e rëndësishme të caktoni një vizitë sa më shpejt të jetë e mundur. Në varësi të shkallës së përhapjes së infeksionit, mund të jenë të nevojshëm edhe antibiotikët. Në këto raste është shumë e rëndësishme të vizitoni dentistin, pasi absceset mund të shkaktojnë përhapjen e infeksionit në pjesë të tjera të qafës dhe nofullës suaj.
Nëse po përjetoni një urgjencë në lidhje me gojën tuaj, është e rëndësishme të vizitoni një klinikë dentare për të marrë ekzaminimin dhe trajtimin e duhur. Tek City Dental Clinic në Tiranë, ne ofrojmë kujdes urgjent për klientët tanë, duke siguruar trajtim të shpejtë dhe efektiv për të lehtësuar dhimbjen dhe shqetësimet që po përjetoni. Ne do të jemi këtu për ju për t’ju ofruar kujdesin e duhur në momentin e duhur.
Edhe pse urgjencat dentare nuk mund të shmangen plotësisht dhe jo gjithçka është në duart tuaja, ka disa mënyra që mund t’ju ndihmojnë të mbani dhëmbët tuaj të shëndetshëm, duke përfshirë:
