Implantet dentare janë një nga shpikjet më të mira në stomatologji pasi ato janë opsioni që ngjason më shumë me dhëmbët tanë natyralë si në pamje ashtu edhe në funksion. Një nga faktorët më të rëndësishëm që i bëjnë implantet dentare kaq të suksesshme është materiali i përdorur. Tek City Dental Clinic në Shqipëri, ne përdorim materialet më të mira për implantet tona duke përfshirë zirkonin, titanin dhe qeramikën. Materiali që do të zgjidhni do të ndikojë shumë në rezultatet e trajtimit, kështu që duhet t’i kushtoni shumë vëmendje. Në këtë postim, ne do të diskutojmë këto tre materiale të ndryshme të përdorura për implantet dentare, karakteristikat e tyre dhe do t’ju ndihmojmë të kuptoni cila është zgjedhja e duhur për ju.
Për sa i përket jetëgjatësisë dhe funksionalitetit, implantet dentare janë të dizajnuara për të ngjarë me dhëmbët natyralë. Zgjedhja e materialit është kritike për arritjen e këtij qëllimi, pasi ndikon në mënyrën se si implanti integrohet me anatominë orale. Kjo zgjedhje gjithashtu ndikon në aspekte si shëndeti i mishrave, osseointegrimi dhe pamja, të cilat të gjitha kontribuojnë në jetëgjatësinë dhe efikasitetin e implantit dentar. Si rezultat, zgjedhja e materialit të duhur është thelbësore për trajtime të suksesshme dhe të qëndrueshme të implanteve dentare.
Titani dhe zirkoni janë dy materialet më të përdorura në implantet dentare. Cilësitë e ndryshme të secilit material ndikojnë në mënyrën se si implanti bashkohet me mishrat dhe kockën e nofullës.
Për shembull, biokompatibiliteti i jashtëzakonshëm i titanit dhe aftësia e tij për të integruar me kockën e nofullës e kanë bërë atë një zgjedhje të preferuar në stomatologji. Ky proces —i referuar gjithashtu si osseointegrimi—është i nevojshëm për stabilitetin dhe qëndrueshmërinë afatgjatë të implantit. Ofron një bazë të fortë për dhëmbin zëvendësues dhe bën të mundur që implanti të funksionojë njësoj si rrënja e një dhëmbi natyral.
Nga ana tjetër, zirkoni ka avantazhe të veçanta për pamjen e dhëmbëve. Është një alternativë mjaft e përshtatshme për vendosjen e implanteve, veçanërisht në pjesët e dukshme të gojës, për shkak të ngjyrës dhe transparencës së saj, që mund të ngjasojnë me dhëmbët e vërtetë. Implantet prej zirkoni gjithashtu mbajnë mishrat e shëndetshëm pasi janë të butë për indin e mishrave të dhëmbëve.
Ka disa alternativa që mund të ndihmojnë në riparimin e disa dhëmbëve të dëmtuar ose të humbur që keni. Midis alternativave janë implantet dentare të bëra nga titani. Ato mund të përmirësojnë ndjeshëm jetën tuaj dhe të ofrojnë përfitime që zgjasin. Megjithatë, ka disa gjëra që duhet të kini parasysh për implantet dentare të titanit, si kostoja e tyre, kufizimet dhe problemet e mundshme. Më tej, ne do të flasim për gjithçka që duhet të dini për implantet prejtitani.
Zakonisht, implantet dentare prej titani përdoren për të zëvendësuar dhëmbët e dëmtuar ose të humbur dhe ato janë të përshtatshme vetëm për pacientët që janë të shëndetshëm. Ky lloj implanti dentar është përdorur për një kohë shumë të gjatë dhe gjatë gjithë këtyre viteve ka provuar qëndrueshmërinë dhe funksionalitetin e tij. Disa nga rastet ku implantet nga titani do të jenë të suksesshme janë:
Implantet dentare janë të implantuar kirurgjikisht në kockën tuaj të nofullës për të zëvendësuar plotësisht dhëmbin, ndryshe nga kurorat dentare, të cilat vendosen mbi një dhëmb ekzistues. Në këtë rast kurora do të vendoset sipër implantit. Me mirëmbajtjen e duhur ky lloj implanti mund të zgjas për të gjithë jetën, por pas disa vitesh, kurora mund të ketë nevojë të zëvendësohet nëse është dëmtuar.
Dentisti juaj shpesh do t’ju këshillojë të konsultoheni me një kirurg oral para vendosjes së implanteve dentare. Ndërsa procedura e implantit mund të bëhet gjithashtu nga periodontistët dhe dentistët e përgjithshëm. Nëse procedura do të kryhet nga këta të dytët, ata duhet të kenë njohuri të gjerë dhe përvojën e duhur për tu marrë me këtë lloj procedure. Kjo procedurë kërkon disa hapa që përfshijnë:
Zakonisht, këta hapa do të marrin pak kohë dhe ka nevojë për disa takime. Pas futjes së postit të titanit në kockën e nofullës, kirurgu juaj oral mund të këshillojë shtyrjen e dy fazave të ardhshme për disa muaj. Kjo do ti jap kockës së nofullës kohë të mjaftushme të shërohet siç duhet. Procesi i vendosjes së kurorës mund të bëhet dhe nga një dentist i përgjithshëm.
Gjatë procedurës, nuk do të ndjeni asnjë lloj dhimbje pasi do të jeni nën efektin e anestezisë lokale. Nëse vuani nga ankthi, bisedoni me dentistin tuaj dhe ai do të rekomandojë anestezi të përgjithshme nëse është e nevojshme. Dhimbja pas procedurës do të jetë minimale dhe mund të përdorni medikamente pa recetë si ibuprofen për ta lehtësuar.
Për kujdesin e implanteve dentare do të merrni udhëzime nga kirurgu juaj oral, të cilat do të përfshijnë pastrime të rregullta. Shumica e pacientëve mund ti kthehen aktiviteteve tyre të përditshme direkt dy ditë pas vendosjes implantit dentar.
Nëse ju mungon një dhëmb, implantet dentare janë mënyra më e mirë për ta zëvendësuar atë. Megjithatë, kjo procedurë ka disa aspekte që duhet të konsideroni, dhe materiali i përdorur është një prej tyre. Përveç titanit, implantet prej zirkoni janë një opsion tjetër që ka dalë gjatë këtyre viteve të fundit. Më tej, ne do të përmendim disa nga arsyet pse duhet të përdorni zirkonin për implantet tuaja dentare dhe cilat janë përfitimet e saj.
Zirkoni përbëhet nga komponentët e oksigjenit dhe zirkonit. Edhe pse zirkoni është një metal, zirkonia është një substancë qeramike si rezultat i oksidimit. Ky material kombinon forcën e metalit me kapacitetin për të duruar nxehtësinë dhe çdo faktor tjetër të jashtëm që ndikon në gojë.
Për implantet dentare, zirkoni është materiali perfekt. Pasi është bioinert, nuk do të gërryhet, përhapet në pjesë të tjera të trupit ose të shkaktojë reagime kimike. Prandaj, është zëvendësuesi jometalik i titanit. Gjithashtu, është një zgjedhje fantastike për pacientët edhe nga pamja për shkak të ngjyrës së saj të bardhë natyrale.
Përfitimet e implateve dentare prej zirkoni vijnë vetëm nga vetitë që ofron materiali dhe ato janë të shumta. Krahasuar me metalin, zirkoni është shumë më i mirë pasi nuk përmban veti të dëmshme. Disa nga përfitimet kryesore që ofrojnë këto lloje implantesh dentare janë:
Nëse jeni alergjik ose të ndjeshëm ndaj titanit nuk do të keni vetëm kruarje dhe ënjtje por mund edhe të pësoni humbje të implantit. Për fat të mirë, zirkoni është një material që është hipoalergjik në natyrë, duke nënkuptuar që pas procedurës, nuk do të keni asnjë efekt anësor negativ.
Zirkoni nuk gërryhet dhe për shkak se bioinert, nuk do të përhapet në pjesë të tjera të trupit tuaj. Nga ana tjetër, është demonstruar që titani mund të gërryhet në kushte të lagështa dhe në këtë rast goja është një vend shumë i lagësht. Gjithashtu, titani mund të prishet më shpejt kur vjen në kontakt me materiale të caktuara si pastat e dhëmbëve, gjë që nuk do të ndodhë me zirkonin.
Zirkoni nuk do të ndryshojë pavarësisht sa presion aplikohet dhe është shumë e qëndrueshme, gjë që e bën një material të shkëlqyeshëm për implantet dentare. Kur përtypni, muskujt e nofullës tuaj ushtrojnë stres të madh mbi dhëmbët tuaj, të cilët janë aq të fortë sa ta përballojnë. Në këtë rast dhëmbët prej zirkoni janë po aq të fuqishëm sa dhëmbët tuaj natyralë.
Suksesi i kirurgjisë së implantit dentar mund të përcaktohet nga mënyra se si implanti integrohet me kockën. Në rastet kur implanti refuzohet komplikimet mund të lindin. Për fat të mirë, zirkoni ka treguar mundësi të shkëlqyeshme për integrimi. Kur përdoret në vend të titanit, madje edhe indi i butë rreth implantit do të mbetet më i shëndetshëm.
Qeramika është jashtëzakonisht e lëmuar në sipërfaqje dhe paa hapësira dhe të çara, pllaka e ka të vështirë të formohet. Për më tepër, struktura e zirkonit është jopolare, gjë që bën që bakteret të jenë më pak të prirura për tu ngjitur. Pas trajtimit, goja juaj do të jetë më e shëndetshme dhe më e pastër.
Nëse implanti është bërë prej titani, ka shumë gjasa që ta ndjeni kur kaloni gjuhën dhe gjithashtu të lër shije kur hani. Kjo ndodh për shkak të materialit të tij i cili do të lërë një shije metalike. Nga ana tjetër me implantet prej zirkoni, nuk do të ndjeni asgjë të çuditshme, gjë që e bën një zgjidhje më të mirë.
Pasi zirkoni nuk konsiderohet metal, ai nuk do të tërheqë nxehtësinë, gjë që do të jetë shumë më e mirë për shëndetin tuaj oral në përgjithësi, veçanërisht për mishrat e dhëmbëve gjatë periudhës së shërimit. Në përgjithësi, kjo do të rezultojë në një kohë më të shpejtë shërimi, që është një përfitim i madh tjetër i këtij materiali.
Pasi asnjë përbërje metalike nuk mund të pengojë dritën, implantet dentare të bëra prej qeramike duken njësoj si dhëmbët e vërtetë. Për pacientët që duan të zgjedhin një trajtim më të avancuar dhe më tërheqës në pamje, ato do të jenë një zgjedhje e shkëlqyer. Më tej, ne do të përmendim disa nga përfitimet kryesore të kurorave dentare prej qeramike.
Ngjyra është dallimi më i dukshëm, por i thjeshtë, midis implanteve qeramike dhe atyre prej titani. Pasi qeramika është një material i bardhë, përfitimet e saj estetike janë të dukshme, veçanërisht tek pacientët që kanë recesion të indeve të buta ose inde të buta të holla ose delikate.
Implantet prej qeramike janë shumë të ngjashme me implantet prej titani dhe ofrojnë pothuajse të njëjtat përfitime. Këto implante gjithashtu kanë treguar të kenë një tërheqje më të vogël se titani për të mbledhur dhe ruajtur bakteret.
Siç mund të keni kuptuar, materiali i implantit dentar luan një rol shumë të rëndësishëm në suksesin dhe jetëgjatësinë e implanteve dentare. Ekzistojnë 3 materiale të zakonshme që përdoren për të bërë implantet dentare: titani, zirkoni dhe qeramika.
Për shkak se titani është i fortë dhe biokompatibil, është materiali i përdorur më shpesh për implantet dentare. Ato kombinojnë forcën, cilësitë mekanike dhe tërheqëse, dhe janë jashtëzakonisht të qëndrueshme. Për njerëzit me probleme të shëndetit oral, implantet nga titani janë një zgjedhje e shkëlqyer për shkak të cilësive të tyre të osseointegrimit. Edhe pse konsiderohet si një metal fisnik dhe alergjitë ndaj tij janë të rralla, prap ka një mundësi të vogël që të shkaktohen probleme.
Një alternativë relativisht e re për implantet dentare janë implantet prej zirkoni. Ato janë një zgjedhje e shkëlqyer për njerëzit që kanë nevojë për forcën më të madhe për shkak të qëndrueshmërisë së tyre të jashtëzakonshme dhe rezistencës ndaj procesit të konsumimit. Zirkoni është një zgjedhje e shkëlqyer për njerëzit që vlerësojnë estetikën për shkak të natyrës së saj transparente. Megjithatë, kur bëhet fjalë për çmimin, ato janë më të kushtueshme se implantet prej titani dhe nuk janë të përshtatshme për të gjithë pacientët.
Një opsion tjetër për implantet nga titani janë implantet qeramike. Për disa individë, ngjyra dhe pamja e tyre, së bashku me cilësitë e tyre funksionale, mund të jenë një plus i madh. Për më tepër, nuk ka nevojë të shqetësoheni për alergjitë ndaj metaleve pasi ato janë biokompatibile. Nga ana tjetër, implantet qeramike mund të jenë më pak të qëndrueshme dhe më të prirura për thyerje në krahasim me implantet nga zirkoni ose titani.
Nëse po konsideroni implantet dentare, duhet të dini që zgjedhja e materialit të duhur është një faktor thelbësor. Për t’ju ndihmuar të merrni vendimin e duhur, ne kemi përmendur disa faktorë që do t’ju ndihmojnë të bëni zgjedhjen e duhur në rrugëtimin tuaj për të pasur një buzëqeshje të bukur dhe dhëmbë të fortë.
Hapi më i rëndësishëm para se të vendosni të zëvendësoni dhëmbët tuaj është të konsultoheni me një dentist me përvojë. Gjatë konsultimit fillestar, ata do të diskutojnë qëllimet që ju keni, do të bëjnë një ekzaminim të plotë të shëndetit tuaj oral dhe do të diskutojnë materialet në dispozicion dhe cili përshtatet më mirë me ju.
Është gjithashtu e rëndësishme të vendosni se cili është prioriteti juaj kryesor kur zgjidhni implantet dentare. Nëse estetika është ajo që dëshironi të përqendroheni, materialet si zirkoni do të jenë më të përshtatshme për ju. Ato do të japin një pamje natyrale, sidomos në rastet kur dëshironi të zëvendësoni dhëmbët e përparm.
Disa pacientë mund të jenë alergjikë ndaj llojeve të caktuara të materialeve dhe metaleve të përdorura në implantet dentare. Në këtë rast, dentisti duhet të jetë i vetëdijshëm për problemin tuaj. Megjithatë, kjo nuk do të thotë që nuk ka një zgjidhje për ju. Materiale si titani ose zirkoni do të reduktojnë rrezikun e këtyre problemeve pa kompromentuar pamjen dhe funksionin e implantit.
Një faktor që mund të ndikojë në zgjedhjen e materialit që duhet të përdoret është vendndodhja e dhëmbit të humbur. Dhëmbët e pasëm të gojës kanë nevojë për më shumë forcë pasi përtypin ushqimin, kështu që materiale si titani do të ishin zgjedhja e duhur. Materiale si qeramika ose zirkoni do të funksiononin më mirë në dhëmbët e përparmë pasi ato kanë më në fokus pamjen.
Implantet dentare do të zgjasin për një kohë shumë të gjatë, kështu që konsiderohen një investim i qëndrueshëm. Ndërsa çdo material që kemi përmendur në këtë blog e bën punën e vetë shumë mirë dhe është shumë i qëndrueshëm, titani mban vendin e parë.
