Edhe pse fluturimi nga Italia në Shqipëri është shumë i shkurtër, ju përsëri mund të pyesni veten pse italianët do të shkonin në Shqipëri për trajtimet e tyre dentare, në vend që t’i bënin ato në vendin e tyre. Përgjigja është e thjeshtë edhe pse komplekse. Të gjithë e dimë se vendet e Europës Lindore janë më të lira se Italia. Shqipëria, Kroacia, Hungaria dhe Polonia kanë qenë destinacione të turizmit dentar prej shumë kohësh. Është pikërisht ky faktor dhe taksat e tyre të ulëta në krahasim me Italinë, që i bën këto vende kaq tërheqëse për klientët e huaj duke ofruar një sërë shërbimesh të kujdesit dentar.
Shërbime të tilla si implantet dhe kurorat dentare, implantet me guidë të kompjuterizuar ose maskarenat e padukshme janë shumë të shtrenjta në Itali. Shqipëria është vendi më i mirë për të bërë implante dentare me çmim të arsyeshëm dhe cilësi të shkëlqyer. Nëse dëshironi të bëni implante dentare jashtë vendit, jini të sigurt që stomatologët në klinikën tonë përmbushin standardet më të larta të kualifikimeve profesionale. Shumë nga profesionistët tanë janë trajnuar dhe kualifikuar në Itali, Gjermani ose SHBA. Të tjerë kanë studiuar në Shqipëri dhe kanë plotësuar shkollimin me përvojë shtesë jashtë vendit. Klinika jonë u ofron avantazhin e teknologjisë dhe aparaturave dentare të gjeneratës së fundit, duke vënë në zbatim metodat më të avancuara të implantologjisë.
Shqipëria është ndoshta një nga vendet më të pacenuara dhe më të paeksploruara të Evropës. Nga veriu në jug, nga lindja në perëndim, do të shihni peisazhe malore, fusha të gjelbëruara, pyje, liqene, lumenj të egër, ishuj dhe plazhe me rërë. Në Shqipëri gjenden qindra kështjella dhe fortesa në të gjithë vendin, si dhe qytete të lashta prej guri, monumente fetare, tempuj, dhe amfiteatro. Ju mund të shëtisni përgjatë Via Egnatia, të udhëtoni nëpër kohë në Butrint ose të shtriheni në një shezlong në një nga resortet luksoze të vendit.
Prioritet mbetet gjithmonë cilësia e trajtimeve dentare. Megjithatë, duke qenë se shërbimet tona vijnë me një çmim shumë më të ulët se ato në Itali, ju mund t’i përdorni paratë që kurseni për të eksploruar vendin dhe për të shijuar udhëtimin tuaj. Edhe nëse preferoni diçka luksoze apo diçka më të thjeshtë por autentike, në Shqipëri mund të gjesh diçka për shijet e gjithësecilit. Gjithashtu, këtu do të gjeni shumë dyqane, butikë dhe tregje ku mund të blini suvenire, dhurata, veshje, bizhuteri dhe sende të tjera me çmime të shkëlqyera.
Pyetja e parë që duhet të bëjmë është se çfarë do të thotë në të vërtetë turizmi dentar? Me kalimin e kohës, kjo shprehje ka humbur kuptimin e saj në sytë e pacientëve, pasi shumë klinika dentare, jo vetëm në Shqipëri por edhe jashtë saj, ofrojnë kujdes dentar si paketë turistike. Fakti që turizmi është shpesh më i spikatur se stomatologjia, ka bërë që shumë njerëz të besojnë se turizmi dentar nuk është gjë tjetër veçse një përfitim i vizitës së tyre në Shqipëri.
Nëse siguroheni të bëni kërkime dhe të zgjidhni një klinikë dentare me reputacion të mirë dhe profesionalizëm, vizita në Shqipëri për trajtimin tuaj dentar mund të jetë jashtëzakonisht fitimprurëse.
Në City Dental Clinic shëndeti juaj dentar është prioriteti ynë. Ne investojmë kohën, përpjekjet dhe burimet tona për ofrimin e shërbimeve dentare cilësore të përgatitura nga një ekip klinik i specializuar për të gjitha llojet e kujdesit dentar. Ne zgjedhim ta veçojmë veten nga klinikat dentare që reklamojnë paketat e tyre vetëm nga pikëpamja e një udhëtimi të mirë. Në të kundërt, ne ofrojmë një larmi shërbimesh dentare me cilësi të lartë dhe me kosto të ulët:
Krahas këtyre shërbimeve të kujdesit dentar, ne jemi të përkushtuar t’u ofrojmë klientëve tanë italianë një sërë avantazhesh, të cilat do t’i lejojnë ata të shijojnë qëndrimin e tyre në Shqipëri duke marrë trajtime dentare me standarde evropiane dhe rezultatet përfundimtare që dëshirojnë.
City Dental Clinic u ofron klientëve italianë:
